كيف نحفظ صغارنا القرآن الكريم

من طرف سمر السبت ديسمبر 26, 2009 1:16 pm

اخواتى واخوانى الافاضل والفضليات
سؤال يتردد كثيرا على السنة اولياء الامور
متى ابدء فى تحفيظ اولاد القرأن ؟؟؟؟؟؟؟؟؟؟
خلونا نسيب كل اللى بينقال
من والطفل لازال فى بطن امه لابد ان يعتاد سماع القران
فالقران يريح القلب ويطمئن النفس فاطمئنان الام يطمئن صغيرها
الذى لازال فى احشائها
بعد الولادة لاتقطعى القران من البيت ديما شغال
ابنى بدء يتكلم احفظه لاا يا اختى
ابدأى مع ابنك اما يبدء يقول جمل حتى لومش مفهومة قوى
طالما ابنك بدأيقول جمل على بعضها بقى هيتقبل
عندى طفل ياااااااااادوب اهه بس لله الحمد حفظ 3صور ربنا ييسر خير
طيب مشكلة
ابنى مش بينطق الكلام صح اعمل اية ؟لو بيقول اى حاجة تمام يبقى افضلى وراه
كنت بقول للعيال اما يتدلعوا مش بتقول العنب يا ولد يقوم كارر
اقول طيب مش هسيبك الالما تقول صح
يعنى حسب نطق طفلك
الولد مش بيقعد عدل وهو بيحفظ ؟؟؟؟؟؟؟
بصوا يا جماعة ممكن تقعدى مع الطفل نص ساعة متواصل تحفيظ
نص ساعة بالنسبة لعيل صغير كتير التزام فوق طاقته بكتير
يعنى اسيبه يتدلع ؟
لاا حضرتك اول اما ييجى علشان يحفظ اويسمع يللا ياحبيبى ربع ايديك ورجليك
(قعدة الارض لايعلى عليها )اقرا اما يتعب وييجى كدة ولاكدة
غضى الطرف اعملى نفسك مش واخدة بالك وبعد شوية اية دة انعدل
لازم تحترم القران لية الاسلو دة ؟
علشان مش يمل وينفر من الحفظ وعلشان مش يكره القران
يقبل على الحفظ لان مفيش تعقيدات كتير
طيب فى اشارات فى القران تحبب العيل فى الحفظ
مثلا بتقرى الكوثر اما تقولى فصلى لربك تجيبى حركة التكبير بيديكى
وانحر مشى ايدك على رقبتك كمن ينحر هيفهم هيفتكر هيحب السورة
والحفظ وهيحبك

طيب
اعاقب ازاى
عن نفسى اكرة اسلوب الضرب
الطفل حاجة من الاتنين يا يحب اللى بيحفظه قوووووووووووووووى
يا يخاف منه قووووووووووووووووى
ان كان العلاقة حب يبقى ازعلى لومش فى استجابة لو خوف يبقى بلاش ضرب
فى اساليب تاانية زى المكافاة والمنع
كافىء لو حفظ او امنع لو العكس
ايام ما كنت فى الحضانة كنت اقول الى هيحفظ اما ماما تيجى
هخليها تعمل له حاجة حلوة وبالفعل اقول للام او انا اجيب لهم حاجة
او اكتب فى الكراسة كلام حلو ولومش حفظ اقول لهم هينحبس مفيش مراجيح
مش هيروح وهكذا
اما لومفيش حل الا الضرب فليكن ولكن بالراحة ومش ديما الالو خلاص مش هينفع الاالضرب يبقى مع احترامى للجميع ينضرب وينمد كمان

طيب ازاى احفظ طبعا كلامنا عن اطفال مش بيقروا ولابيكتبوا
التكرار
يعنى قرية كلمتين كلمتين كذا مرة او جملة جملة حسب سهولة نطقها او صعوبته
تخلص ندخل على غيرها ونرجع نجيبهم سوا وهكذا

الامر عاوز صبر وطولة بال مش بالساهل
طيب الطفل حفظ صورتين و اكتر يسمعهم كل ما ييجى او كدة
طيب حفظ قولى 10-15سورة
كتير يسمعهم كل مرة يبقى على مرتين النص مرة والنص التانى المرة الجاية

ياريت لو فى استفسارات
انا فى الخدمة
وعلى فكرة اكتر حاجة تكبر العقل وتنمى الذكاء وتشطر هو القران

على فكرة
هنلاحظ حاجة غريبة جدا اثنا تحفيظ الصغار

اية هى ؟؟؟؟؟؟
هتلاقى الصغار دول اكتر كلام بيعلق معاهم الكلام الصعب
يعنى طفل عندة 3سنين ونص اكتر حاجة معلقة معاة
الوسواس الخناس و شانئك
رغم انه بيقولهم نص صح
بس نطقه كدة مش تطالبى صغارك بفوق حدودهم
يعنى مثلا مش لازم تمشى بالترتيب فى طفل اه قادر يحفظ البينة اما ييجى دورها
رغم انها ممكن تاخد اسبوع مع الذكى اللماح
وطفل لايمكن يقدر يحفظها يبقى بلاش نؤجلها شوية
اما مداركة تكبر كدة ونطقة يتحسن
ولايخلو الامر من كلام حلو كدة اثناء الحفظ
ياه شاطر ياقلبى اية الحلاوة دى اية الجمال دة

وسيبك من اللى يقول لك لو ضحكتى بس قدام العيال هياخدوا عليكى والدنيا هتبوظ
معذرة الكلام دة مش بقتنع بية
الوقت بتاع الحفظ لو بس اقرا اقرا اقرا اقرااااااااااااااااااااااااااااااااااااااا
العيل هيزهق ويكرة ساعة الحفظ ولاالدرس او الحضانة حتى
العلاقة عوزة حب اكتر من الخوف
طيب يا جماعة فى ام اواب
ممكن يقول لك انا عندى مثلا اكتر من طفل وعاوز احفظهم وكل واحد فى صورة غير التانى
اعمل اية ؟؟مش عندى وقت او روح اهاتى معاهم كلهم

فى فكرة بسيطة جدا وحلوة وسهلة
بعد اما حضرتك تقرى الطفل اكتر من مرة اقلة اربع مرات اللوح اللى علية
ممكن تفتح لة كاسيت او كمبيوتر على نفس اللوح دة وهو يقعديسمع ويحفظ مع الشيخ اللى بيقرا
لكن هتعمل كدة دى عاوزة متابعة علشان السرحان واللعب والتخريب

مشكلة تانية
ابنى او بنتى متدلع فبيعندمعايا ويمتنع عن الحفظ اعمل اية ؟؟؟؟؟؟؟
بيقولوا لايفل الحديد الا الحديد العيل اللى بالشكل دة مش بينظبط الا لو معاة عيل تانى
من سنة او اكبر يا حبذا لو اصغر علشان يتظبط اما يتهدد بالاصغر بيتحفذ ويحفظ
دى مش ميسرة يبقى تجيب لة شيخ يحفظة وتتوكل على الله بس هيعوز متابعة